Боксын олон улсын тэмцээн маргааш эхэлнэ

Олон улсын сонирхогчдын боксын холбооны /AIBA/ 2016 оны календарчилсан хөтөлбөрт багтсан “Чингис хаан-Улаанбаатарын цом” олон улсын тэмцээн маргааш /2016.10.18/ Спортын төв ордонд эхлэх гэж байна.

Энэ удаагийн цомын тэмцээнд ОХУ, БНХАУ, Узбекстан, Сингапур, Унгар болон Монголын боксчид эрэгтэй 8, эмэгтэй 4 жинд өрсөлдөнө.

Урьдчилсан мэдүүлгэд оролцоно гэж байсан Казахстан, Нигерийн баг тамирчид дотоодын тэмцээний хуваарийн дагуу оролцох боломжгүй болжээ.

“Чингис хаан-Улаанбаатарын цом” олон улсын тэмцээн аравдугаар сарын 22-ны өдөр өндөрлөнө.

Эх сурвалж:www.news.mn

Мэдээ таалагдсан бол лайк дарна уу