Шинээр гаргасан Note 7 дахин дэлбэрчээ

Шинээр үйлдвэрлэж, өмнөх системийн гэмтлийг зассан гэгдээд байсан Galaxy Note 7 гар утас худалдаанд гарсан даруйдаа дахин дэлбэрч, компанийг хүнд байдалд орууллаа. Уг явдал АНУ-ын “Southwest Airlines” компанийн онгоцонд болжээ.

“Лоусвилээс Мэриланд руу нисч явсан онгоцонд нэгэн зорчигчийн Galaxy Note 7 гар утас нь дэлбэрлээ” гэсэн тэмдэглэлийг экипажийн бүрэлдэхүүн батлаад, тус гар утас хэт өндөрт хөөрөх үед онгоцны даралтаас үүдэж шатаж, гэмтсэн болохыг шинжээчид тэр даруй мэдээлжээ.

Хамгийн анх Galaxy Note 7 гар утас баттерейны ион зохицуулалтын хэт их шахалтаас болж дэлбэрсэн явдал өнгөрсөн есдүгээр сард гарч, үйлдвэрлэлийн уг алдаа ар араасаа давтагдсан юм. Улмаар компани 2.4 сая гар утсыг буцаан татаж, системийн гэмтлийг бүрэн засварлаж дахин худлдаанд гаргасан ч өмнөх явдал давтагдаад байна.

Хамгийн сүүлд болсон явдлын дараа Samsung компанийн албан ёсны мэдэгдэлд “Бид болж байгаа асуудлыг нухацтай авч үзэж, гар утас ямар шалтгаанаар дэлбэрснийг нисэх компанитай хамтран шалгаж байна” гэжээ.  

Эх сурвалж:www.time.mn

Мэдээ таалагдсан бол лайк дарна уу