ҮНДСЭН ХУУЛИЙН ЦЭЦИЙН 11 ДҮГЭЭР ДҮГНЭЛТИЙГ ХҮЛЭЭН АВЛАА

УИХ-ын чуулганы өнөөдрийн нэгдсэн хуралдаан 10.00 цагт 52 хувийн ирцтэй эхэллээ.

Өнөөдрийн хуралдаанаар нийт 12 хууль, тогтоолын төсөл хэлэлцэхээр төлөвлөснийг УИХ-ын дарга танилцуулсан юм. Хэлэлцэх асуудалтай холбогдуулан асуулт асуух, үг хэлэх гишүүн байсангүй.

Тиймээс чуулганы нэгдсэн хуралдаанаар Үндсэн хуулийн цэцийн 2018 оны 11 дүгээр дүгнэлтийг сонслоо. Нийслэлийн Сонгинохайрхан дүүргийн 25 дугаар хорооны иргэн Ө.Эрдэнэ-Очир, Баянзүрх дүүргийн 8 дугаар хорооны оршин суугч, иргэн Ш.Алтангадас нар Шүүхийн шийдвэр гүйцэтгэх тухай хуулийн зарим заалт Үндсэн хуулийн холбогдох хэсгийг зөрчсөн байх магадлалтай талаар мэдэгдэл ирүүлсэн байна. Уг мэдэгдлийг Үндсэн хуулийн цэц өнгөрсөн сарын 21-нд хянан хэлэлцээд, Үндсэн Шүүхийн шийдвэр гүйцэтгэх тухай хуулийн зарим заалт нь Үндсэн хууль зөрчөөгүй хэмээн дүгнэсэн байна.

Мэдээ таалагдсан бол лайк дарна уу