Манай улс цус хавралтын нас баралтаараа дэлхийд нэгдүгээрт бичигдэж байна.

 “Цусны даралт ихсэлттэй тэмцэх дэлхийн өдөр” өнөөдөр /2018 оны 5 дугаар сар 17/ тохиож байна. Энэ өдрийг Нийслэлийн Засаг даргын тамгийн газар, Нийслэлийн Эрүүл мэндийн газар, Оном сан, Швейцарь улсын Новартис сан хамтран Сүхбаатарын талбайд “Цусны даралтаа хянаж сурцгаая” гэсэн уриан дор өдөрлөг зохион байгуулж байгаа юм. Энэхүү арга хэмжээнд БГД, БЗД, СБД, СХД, ХУД, ЧД-ийн Эрүүл мэндийн төвүүд Сонгдо, Интермед, Грандмед, Мөнгөн гүүр, Номун зэрэг хувийн хэвшлийн эрүүл мэндийн байгууллагууд оролцож, цусны даралт ихсэх өвчний эрэсдэлт хүчин зүйлийн талаар иргэдэд мэдээлэл, зөвөлгөө өгөх, биеийн жин өндөр үзэх, даралт хэмжих зэрэг арга хэмжээг зохион байгуулж байна.

Бадралмаа Б.-н зураг.

Дэлхий дээр жилд 18 сая хүн зүрх судасны өвчинөөр нас бардаг ба эдгээрийн талаас илүү хувь нь буюу 9,4 сая нь цусны даралт ихсэлтээс үүсэлтэй байдаг гэсэн судалгаа гарчээ. Зүрх судасны өвчний шалтгаантай нас баралтын 45%, цус харвалтын шалтгаант нас баралтын 51% нь цусны даралт ихсэлтээс үүдэлтэй байдаг байна.

10000 хүн амд ногдох цус алдах хэлбэрийн тархины цус харвалтын нас баралтаараа манай улс дэлхийд нэгдүгээрт бичигдэж, дэлхийн дунджаас 4 дахин их байгаа тоо гарчээ.

Чингэлтэй дүүргийн Эрүүл мэндийн төвийн зүрх судасны их эмч А. Ариунжаргалаас тодрууллаа.

 Бадралмаа Б.-н зураг.

-Монгол улс цусны даралт ихсэлт,  цус харвалтын нас баралтаараа өндөр байна. цусны даралт ихсэх өвчлөлийн талаар иргэд хэр мэдээлэлтэй байдаг вэ?

Монголд сүүлийн үед артерын даралт ихсэлт цус харвах өвчин дэлхийн улс орнуудтай харьцуулахад харьцангүй өндөр байна. Монголчууд даралт ихсэлтийг нас явахаар ихсдэг хэвийн зүйл гэсэн ойлголттой байдаг. Энэ бол биеэ даасан өвчин юм. Даралтаа хянахгүй явсанаас даралт харвах, тархины импакт өгөх, удаан хугацаагаар явбал зүрхний дутагдалд орох, харвалтаас болж тахир дутуу болох зэрэг маш олон сөрөг үр дагаварууд гардаг. Сүүлийн үед залуучууд илүү их харвалт өгч байгаа. Иймд бид үүнээс урьдчилан сэргийлэхийн тулд өнөөдрийн өдөрлөгийг явуулж байна.

Цусны даралт ихсэхэд нөлөөлдөг хүчин зүйл нь юу вэ? Үүнээс хэрхэн урьдчилан сэргийлэх вэ?

Энэ нь бол манайхны амьдралын буруу хэвшилээс үүдэлтэй. Архи,тамхи зэрэг хорт зуршилууд дээр нь идэж байгаа хоол хүнсний нөлөө их. Хүн өдөрт дунджаар 5 гр давс хэрэглэх ёстой байдаг бол манайд нэг хүн өдөр 11гр давсыг хэрэглэдэг гэсэн судалгаа бий. Дээр нь ханасан өөх тос буюу малын гаралтай өөх тосыг их хэрэглэдэг. Үүнээсээ болоод жингийн илүүдэлтэй байдаг. Үүнээс урьдчилан сэргийлэх арга нь амьдралын зөв хэвшил, дасгал хөдөлгөөн юм. Мөн тогтмол даралтаа үзүүлж байх хэрэгтэй.

-Иргэд эрүүл мэндийн зөвөлгөө үйлчилгээг авах тал дээр мэдээлэл дутмаг санагддаг. Энэ тал дээр эрүүл мэндийн байгууллагууд яаж ажиллаж байна.

Эмнэлгийн байгууллууд сургалт суртчилгааг тодорхой хэмжээнд тогтмол явуулдаг. Жил бүр  зүрх судасны  өвчлөлтэй тэмцэх  өдөр, сахарын өвчлөлтэй тэмцэх өдөр, цусны даралт ихсэлттэй тэмцэх өдөр зэрэг  өдрүүдэд зориулсан өдөрлөг зохион байгуулж үүнтэйгээ холбоотой сургалт, мэдээлэл өгөх  үйл ажиллагааг байнга явуулж байна.  Өрхүүд дээр ТББ-ууд хандивын шугамаар апрад тарааж, өрхийн эмнэлэгтэй чөлөөтэй үзүүлэх боломжийг олгосон.

Бадралмаа Б.-н зураг.

 

Мэдээ таалагдсан бол лайк дарна уу