БОКСЧИН Э.ЦЭНДБААТАР СОФИД АЛТАН МЕДАЛИЙН ТӨЛӨӨ ХҮЧ ҮЗНЭ

Болгарын нийслэл Софи хотноо “Странджа-2018” боксын олон улсын тэмцээнд хүчээ сорьж буй Э.Цэндбаатар Казахстаны боксчныг илт илүүрхснээр хүрэл медалийн болзол хангалаа.

Тэрбээр өнөөдөр алтан медалийн төлөөх тулаанд тэмцээн зохион байгуулагч орны тамирчинтай хүч үзнэ. Энэ тэмцээнд дасгалжуулагч Н.Баяраагийн удирдлага дор Армийн дэлхийн аварга Б.Чинзориг, “Рио-2016” олимпийн наадмын Ү байрын шагналт Э.Цэндбаатар нар тулалдахаар зорьсон юм.

Б.Чинзоригийн хувьд Украины боксчинд ялагдсанаар медалиас мултрав. Украины тамирчны хөмсөг задарсан тул оноо тоолсноор манай Б.Чинзориг ялагдал хүлээжээ. ОУХМ Б.Чинзориг хэдхэн хоногийн өмнө Унгарт болсон олон улсын тэмцээнээс мөнгөн медаль хүртсэн билээ.
 

Д.Өлзий

Мэдээ таалагдсан бол лайк дарна уу