Ж.Батзандан: Уучлал гуйх тухай ойлголт байхгүй

Баянзүрх дүүргийн Иргэний хэргийн анхан шатны шүүх Тагнуулын ерөнхий газрын дарга асан Б.Хурцын нэхэмжлэлийн дагуу УИХ-ын гишүүн Ж.Батзанданд холбогдох хэргийг хэлэлцжээ. Тодруулбал, Б.Хурц УИХ-ын гишүүн Ж.Батзанданг өөрийг нь гүтгэж, нэр хүнд, алдар нэрийг нь гутаасан гэх үндэслэлээр шүүхэд өгсөн билээ. Гэвч шүүхийн шийдвэрийн дагуу УИХ-ын гишүүн Ж.Батзандан анх мэдээлэл тараасан арга замаараа буюу хэвлэл мэдээллийн хэрэгсэл болон сошиал орчноор гүтгэсэн хэрэгтээ албан ёсоор уучлал гуйх ёстой болов. Харин шүүхийн шийдвэрийн тухайд УИХ-ын гишүүн Ж.Батзандан цахим хуудсаараа дамжуулан “Б.Хурц Д.Энхбатыг хулгайлсныг, Эрдэнэтийн 49 хувийг ард түмэнд биш, хувьд авч өгөх ажлыг зохион байгуулсныг манай Шүүх л мэдэхгүй байна гэнэ. Сайхан шинэлээрэй. Жиргээч нөхөд минь.Хурцын асуудалд Цагаан сарын дараа хариулт өгнө. Уучлал гуйх тухай ойлголт байхгүй. Миний байр суурь хэвээрээ” гэдэг мэдээллийг өглөө.

Мэдээ таалагдсан бол лайк дарна уу